ScreenBureau

Documenting the journey of a Cameroonian filmmaker

Lol Tuesday! A Cameroonian mother’s letter to her son in the US.

A Letter From A Mother In Ekona To Her Son In The US

Dear Bate,

LETRA FROM EKUNA

Thank you for the money you juss send. We be glad witham plenty. All man be get e share. Ya sister Scola don finally move da belle wey some taximan give e, so that yi massa go fit take yi back for marret.

Ya Aunty Martha use e own go bail e pikin Ndifor save e from going to ngata.. Yi and yi girlfriend don go Douala yi di do Sauveteur, e woman di work for night for downtown Akwa.

Ya brother Mbella say e want use e own make kwalli for go or na Swaviet Union or na Russia or na Jamanee o. If any small ting remain, yi go make marret for yi girl pikin Bih wey yi be 7months pregnant, make yi no bring disgrace for family.

Ya ora big brother Ndifor don enta Kondengi juss yessaday. Dem lie for yi head say, yi be tiff for place wey e be di do washnight. We be give yi share for warder make them no give yi morning time reveille with beating. Mbamba Eposi say Ndifor don begin Gay, so I glad say at leasse e dey happy for prison.

Tomorrow, I go take your 13yr old Small brother Essomba wey you never ever meetup am go put yi for Bostal instutute. Some policeman call yi say juvenale dalinquasi, because e catch yi and e boy pikin di do bad ting with themselves. Ha boy pikin fit do bad ting with yeself wey girl no dey dey? Anyway, I don use yi own money buy blanket, even though some chef patron for dey say I get for buy yi extra vaxsceline.

Ya Pa take yi own finally go marret, bring da yi old Akwara for house wey yi hide yi for Baboutti kwata, di cause me problems all these years. People say di woman don catch dat bad sick, I say yi sweet! If yi die sep sep yi go leave me and ya papa alone.

As for me, I no get me any problems. But I be give all ma share for some boy wey dem say yi be money doubler. I glad plenty because yi sabi teach bible. Yi sef don do plenty miracles for kwata. Any woman wey yi go for yi house yi pray for yi, wan time so belle don enter. Na so woman dem di glad for glad because dier massa dem no go drive them for house say dem no fit born. Hmmm, dat boy say e wan marret me. I lek me yi ya! E di make ma heart cold small. Yi only fault na say e di smoke banga and drink plenty. I say and so?

I say eh, Bate? Na witch ting wey some kongossa reach we here say you don see Whatman woman wey yi wan marret you? Abeg, no bring disgrace for dis family oh! You dong forget say you leave ya fiancee Nancy for here withi belle? Yi finally born lass year twins.

Well, ashia for cold ma pikin. Hmmn, you don learn big book oh! So now you don get High degree for Stress and Mental Psychosis. I glad plenty say you get plenty cargo. Bills, mortgage, insurance, overdraft and debts. You be rich man oh!! We no greedy for ask say make you send we some. I hear say money for dat sai na only for tree sep dem dey grow. Ya own fine ma pikin.

Since you no lack you noting, we go send you prayer ya?

Ya Mammie

Mammy paulina

Credit: Irene Nkwadi

Don’t take it seriously!!! The last paragraph is the funniest bit in the letter. Hahahaha!

WHAT’S YOUR TAKE?

Advertisements

2 comments on “Lol Tuesday! A Cameroonian mother’s letter to her son in the US.

  1. Hilaire Aben
    December 10, 2013

    REALLY?????????????

  2. Delphine Nnane
    December 10, 2013

    The original author of this letter is Samira Edi. She is on facebook and can confirm this herself. Make dem no cam accuse ma petit seour Irene of plagiarism 🙂

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Information

This entry was posted on December 10, 2013 by in Uncategorized and tagged , .
%d bloggers like this: